Менторката на ТТ „Словото“ добитничка на деветоноемвриска награда од град Велес

Деветоноемвриска благодарница од градот доби и актерката Весна Димитрова Бобевски за својот долгогодишен професионален ангажман во театарот како и за откривање на млади талентирани деца за глума, за работата со нив и откривањето на талентите. 

Таа на театарската сцена има одиграно повеќе од сто претстави, но не помалку значајни се и нејзините улоги на филм, во телевизиски емисии и во македонските народни приказни. Димитрова Бобевски е првата актерка која со театарскиот израз пантомима ја претстави Македонија на светските фестивали во Украина, Мароко, Ерменија, Италија а нејзиниот филм „Пресвета Богородице, спаси не“ ги преставуваше градот Велес и Македонија на бројни фестивали во Русија и други источни земји.